पूर्वपश्चिम राजमार्ग अवरुद्ध

धनुषा — महोत्तरी बर्दिवास नगरपालिकामा पर्ने भप्सी पुल भत्केको छ । पुल भत्केपछि पूर्वपश्चिम राजमार्ग अवरुद्ध बनेको हो । पुलको दुवै छेउमा सवारी साधन अलपत्र छन् ।

महोत्तरीका प्रमुख जिल्ला अधिकारी उमेश ढकालले पुल बाढीले बगाएको पुष्टि गरेका छन् । उनले पनि राजमार्ग अवरुद्ध बनेको र आवत जावतका लागि विकल्प के हुनसक्छ भन्ने विषयमा छलफल सुरु गरेको जानकारी दिए ।

नदीमा अत्यधिक बाढी रहेकाले पूर्वबाट पश्चिम वा पश्चिमबाट पूर्व कोही आउने/जाने गर्न सकेका छैन । पुल भत्केपछि हेर्ने सर्वसधारणको यतिबेला भिड लागेको छ ।

लगातारको अविरल वर्षाले जनजिवन कष्टकर बनेको छ । घर डुवानमा परेको छ । खोलामा बाढीको सतह बढेको छ । सडक जलमग्न भएको छ । महोतरीमा नदीले पुल बगाएपछि पुर्व पश्चिम महेन्द्र राजमार्ग अबरुद्ध भएको छ ।